香港西武完成23年歷史任務，隨着最後一間朗豪坊店昨日拉閘，這曾是潮人集中地的日式百貨便正式告別。現址會翻新，月底變為純美容化妝購物熱點，店名也會換掉。有時裝人及立法會議員都稱日式百貨已式微，慨嘆店舖越來越傾向內地自由行，「佢哋最鍾意買名牌化妝品嘛」。擁有四間分店的港資日式百貨香港西武，只剩下旺角朗豪坊分店，但昨也掛起「Last Day」。記者見地下售貨區早已停業，只有二樓仍營業，部份貨品減價，但未有顧客大手掃貨，或因該店早於上月中已開始一折起減價。「以前成日去金鐘西武買衫㗎。」光顧西武20年的蔡小姐一口氣掃了10條絲巾，盛惠2,000多元，「畀朋友留念囉」。何先生則買了一對情侶手鐲，「呢間冇金鐘店咁高檔，啱年輕人行」。 |
