心情此刻真的不知怎樣去形容，有誰能告訴我，我能怎辦？
一個我好珍惜的家，
一個我好愛的老婆，
可是我用錯了方法去建立這段感情。
我本來出身不富裕，
學歷又不高，工作只有勤勤力力。
拍過好幾次拖，每次都好想做好啲，所以都是拍拖全數釋出。當然冇次長久收場。
15歲打工，到現在30幾歲人冇多少積蓄，冇房，冇車，冇事業，只是一個從事銷售行業的人。
直到我遇上佢，我真的好想結婚，好想佢係我的終身伴侶，我追她時，收入還可以，但她是從小便遇過窮的人，性格較現實，還有一段剛破裂的婚姻。我好想她可以覺得我可依靠。
當時我收入也只一般，沒有2-3萬，只是一般打工仔，我好想佢可感覺到我真係好想同佢一齊，我用盡了我的心思，我願意做盡男人該做的，終於我們一起了
我剛開始時很想討好佢，好想俾佢好一點的，我錯誤地選擇借了一次貸款去幫補。
日子一日一日過，我們開心過，在她遇到人生一很大的困難時，我諗都冇諗便衝上武漢迎救，人生路不熟地終於也由危機中回到平靜。
我們同居了一年多，我們雙方家長都見了，來到今年1月，她想我再搵多啲，可有更好將來，我毅然把自己的穩定收入工作放棄了，聽取了朋友的意見加入左一間新公司，豈料事與願違，人工打左個七折。響呢個時候我倆的感情也響起了警号。債項的問題她知道了，人工少了，讓她沒了安全感，我一切也理解。
我好後悔，沒有好好策劃人生，沒有給她好好的生活，只能做到家庭開支自己包攬了，她還要倒過來幫我清左筆債。講到呢到，大家都應該覺得我好廢。我除左每日做個乖男人，安份守己的放工返屋企既男人，病了侍候在身邊，一早起身煮飯盒帶返工，事事站佢立場去諗，哄佢錫佢之外，我呢刻就什麼都做唔到，我都同佢講左呢個低潮會好快過，我會積極再去搵工讓收入會回復番一定水平。響呢個咁動盪既社會，我地做銷售只係求餐溫飽，有啲好啲既收入，碰上遊行示威，佔領中環後，生意一落不復當初，收入自然都打個折。
我真係唔想冇左家，現在每日回家的冷淡，心知佢前夫每天Whats app既通信，也只能忍受。由不能現實，我也只能看著一段感情慢慢地枯萎。
能看到這故事的你。如你已很成功，恭喜你，因為你依我太太所講，有本事的男人是女生圍住佢轉，如你現在還沒人生目標，希望你借鑑，人真的要策劃好將來，否則只有痛苦
|
|
