高危類別
白羊座
白羊座不分男女正義感都好重，佢絕對唔會攪埋果ｄ分手之後搵之前拍落的性感相來威脅你，當然四圍唱衰你又當別論，不過你咪放心得咁早住，因為佢份人好鬼大頭蝦，成日唔見電話固然之係一個擔心，另外佢亦有蒲癮同班friend分享，你張相都……
雙子座
第二位高危人士就係佢，佢拍呢ｄ相係覺得好玩，放心，善良的雙子座係唔會用來威脅你，但係呢，輕則佢會將呢件事同身邊ｄ朋友仔分享下，重則佢直頭拎埋ｄ相畀佢ｄ兄弟姐妹一齊笑下，好恐怖！
處女座
佢一定會！分別只係差在幾時！大家拍緊拖時可能佢會講出來同ｄ朋友分享下，但講到話要睇，佢就會「哼！我點會益你班友！」但係！一旦大家已經分開……閣下好自為之啦！祝你好運！
天蠍座
對於呢位老友，性感相不過係一ｄ增加大家小情趣的物件，不過！因為佢本身好注重私穩，所以佢係唔會將自己ｄ私事，四圍講，又不過！都話佢會視ｄ相為小情趣，所以當響酒吧度飲多兩杯，大家又講到興起……佢就會畀大家見識下！
有危險性類別
巨蟹座
巨蟹座好鬼情緒化，有時亦都會因為受到情緒影響而做出一ｄ估佢唔到的事情，所以佢係有機會拎畀人睇，多數都係出於唔覺意，不過！果講到張相有埋佢響裡面的話，一向好講自我保護的巨蟹座又絕對唔會畀佢曝光，所以要影，記得叫埋佢一齊！
獅子座
佢的危險度關鍵係你有幾出名同埋張相影得你有幾靚，因為對獅子來講，佢將你將相畀人睇，都係想耀武揚威，等側邊ｄ人羡慕下佢，接唔接受得到佢呢個行為就真係睇你自己點睇！
山羊座
講到山羊座，有99%機會係佢根本唔會接受得到影呢ｄ相，除了因為佢思想保守之後，佢處事睇得咁長遠而且份人又小心，佢又點會冒埋ｄ咁大的風險！不過果1%都有機會作怪，而且會傾向打壞主意添！
雙魚座
呢個老友就真係多數係無心，佢只會覺得以為好浪漫，所以四圍同人炫耀，又或者係唔覺得遺失電話畀人公開！
冇乜殺傷力類別
金牛座
基本上金牛座唔興玩呢家，就算陪你玩，佢呢頭影完呢頭就洗走，始終金牛座都係保守ｄ嘛！至於萬一分手佢會唔會拎ｄ相上網呢？放心，金牛座唔會咁做，就算分手時你有幾過分都好，迫得佢太緊佢最多都係打你一身而唔會將ｄ相四圍揚！
天秤座
好明顯呢位和平主義者當然係唔會咁做，無論大家當時的關係係點都好，天秤座都係唔會咁做，各位請放心！而且如果真係要影呢ｄ相，佢會覺得不如索性去影樓影輯靚靚仔仔的沙龍相，影完咁靚，可能到時連你自己都想拎畀大家炫耀下！
人馬座
你咪睇佢平日好似好新潮，乜都玩得餐飽，不過一講到呢ｄ涉及到道德的事物時，各位人馬座不分男女都唔會贊成，所以佢叫你影ｄ扮鬼扮馬相就多，講到影埋呢ｄ相囉喎…影都唔制，更何況畀人睇呀！
水瓶座
要論道德觀，水瓶座同人馬座一向有得比，所以同人馬座一樣，佢都唔會將你Ｄ相畀人睇，就算係公開，佢都只會將自己影果ｄ畀人睇，更加唔會響未經你同意的情況下影你，請放心啦！ |
|
看不懂字