|
6th Match 2013 (Day 2)
[往華欣-->Santorini Park-->Aleenta-->Local Market-->Chaolay Seafood-->Aleenta]
o係上年住過o既 Vic 3 Bangkok住左晚,
8:30起身梳洗, 準備迎接將會陪住我地3日o既Vios!!
用email向AVIS Book左2架 Vios 叫左佢9:00送到酒店,
9:00落到去一架到左, 問個staff第二架幾時到呢? 佢用手勢話比我知: 黎緊!!黎緊!!
個staff基本上係唔識英文架, 想溝通就要打返上call center, call center啲人英文比較好!!
咁我地就食住早餐先啦~~
到大約9:30, 佢忽然比個電話我聽, call center D人話第二架車途中爆左呔, 要遲多20分鐘!!
咁都冇計啦, 我地一行8人, 得一架車o係度, 可以點? 唯有等!!
到過多半個鐘即係10點有多, 架車都係未到, 又叫個staff打上call center多次,
call center又話黎緊, 我地就開始唔耐煩~
同佢講左一輪之後, 叫佢比discount我地, 開頭只係肯平200b =0=
之後我同另外兩位同行友人o係等車黎期間輪住嘈佢....
嘈到成11:10, 架車終於到了, 最後每車大約由4000B減到3300B, 好過冇~
不過都保唔返我地時間上o既損失呢!!
既然車到左, 我地就即刻去check車, 個staff帶住我圍住架車行一圈, mark低邊度有花~
我地就check晒d燈, 電源, 水潑等等~~ 所有野ok, 簽左幾份野之後, 向華欣出發!!!!
自駕資料
再講多少少有關租車, 因為都擔心佢比o既gps唔知有冇set到我要去o既地方, 好唔好用等問題,
所以我就自己o係拍賣網買定一個gps, 同賣家講要埋泰國地圖, total大約hk$5xx,
咁我就可以o係香港set定晒我要去o既地方, 唔怕到時晒時間搵餐死!!
大約11:30由Vic 3出發(比原定9:30遲左兩個鐘!!可惡的Avis!!!!),
兩分鐘車程就上Toll Way, 呢個亦係book Vic 3 o既原因 (當然都因為佢平!!)
唔知係咪晏左o既關係? 上左Toll Way 都塞, 慢駛左成半個鐘, 車速先可以快D~
架Vios都好好渣, 好慳油, 曼谷市區後沿途快線平均車速都可以去到120-130km/hr,
沿途都有一兩次有D趕住去死o既車從後面插上強行CUT埋黎,
而呢d情況o係香港都常有發生, 所以基本上我認為路況係安全的~
而同香港最大分別o既就只有U-Turn位, 每次就到U-Turn位都有路牌提示,
U-Turn位會o係快線開多條線比你停低等U-Turn~
如果你要U-Turn, 就要留意對面都係3線行車的, 有渣開車o既可以睇準機會U-Turn後比大腳油行返中線,
如果唔係U-Turn後車速太慢, 而人地車速快收唔切就會撞你patpat!!
而自問手車麻麻o既, 就可以U-Turn時睇準機會直接cut到對面最慢線,
基至係慢線再左邊一條線(呢條線有好多電單車行的~小心睇清楚啊!!)
然後再慢慢cut返出中線/快線就安全好多!!
另外, 有種交通指示燈係黃燈眨下眨下, 開頭第一次見都唔知係代表乜!
見多幾次之後, 相信通常會o係路口位出現,
而作用應該就係話比你知... "呢道有路口,小心有車轉出黎~"咁解!!
而去華欣途中條路直, 唔多灣, 路面靚, 路牌清楚,
渣左個半鐘先o係油站休息左幾個字,
買左d生果/串燒/飲品
之後再向華欣方向進發, 就到左我地o既第一站, Santorini Park!!
Santorini Park
到埗時間 14:22
我地今次黎到呢度主要都係影下相食下野,
雖然裡面都有d野比你玩, 但係因為天氣實在太熱喇, 大家都唔多願曬!!
而裡面o既店舖賣o既野亦貼近香港價錢, 所以我地一行八人都冇收穫~~
|
