【亞視迫女星陪客？】顏子菲哭訴：陪飲唔俾走（17p）

頭先講到，話已經離開亞視嘅08年亞姐亞軍顏子菲，向周刊自爆喺亞視嘅血淚史，包括突然收到order話要去casting，但去到目的地先發覺係飯局兼夾一枱都係酒，有亞視女星被灌醉都冇得走。顏子菲想拖其中一個走，仲俾人攔住質問佢係咪唔俾面:「後來我先知，原來亞視好多呢類飯局。」

前亞姐顏子菲（資料圖）

究竟係做花瓶幫公司箍客定係被迫陪酒陪坐，真係要問番飯局搞手至知，而顏子菲都冇提到當日呢個飯局係由邊個做東道主，但係呢，佢又爆咗另一個故仔出嚟喎。

顏子菲痛哭

顏子菲話，有一次，佢喺出面做完司儀job，當時已經係晚上十一點，佢突然接到藝員科打俾佢，叫佢去某個地點。顏子菲當時已經問明係咪一定要去，對方就答佢話係好重要嘅，仲千叮萬囑叫佢唔好落妝，總之keep住呢個靚look到場就可以。

顏子菲哭訴被逼陪客

咁夜麻麻收到公司order，顏子菲都照去啦，點知，奇妙的事情發生了:「搭的士去到，又話轉咗場，叫我去另一個location，原來係間卡拉OK，成班人已經飲到好high，原來老闆招呼緊班客，當時仲有幾個女同事在場，兩杯落肚…」

前亞姐顏子菲（資料圖）

見到呢個「…」好想知下文？有畫面呢？問佢究竟見到「兩杯落肚」之後個畫面係點？顏子菲話:「總之係一啲令人毛骨悚然嘅事。」而知情者話，當時在場嘅，仲有兩名亞姐冠軍。

前亞姐顏子菲（資料圖）

顏子菲（資料圖）

顏子菲（資料圖）
本帖最後由就是愛八卦於 2014-12-17 14:10 編輯